Сотирова: Новинарот имал контакт со член од семејството кој е позитивен на вирусот
Во семејството на новинарот кој е позитивен на коронавирусот има член кај кој е потврден вирусот. Новинарот имал контакт со тој член од блиската фамилија, изјави денеска директорката на Државниот здравствен и санитарен инспекторат Иринка Сотирова.
– Во блиската фамилија на споменатото лице има член кој е позитивен. Новинарот имал контакт со тој член од неговата фамилија, меѓутоа за детални информации кој, каде и кога ќе биде ставен во евентуална самоизолација ќе следува по спроведената анкекта од Центарот за јавно здравје, која во моментот е во тек, истакна Сотирова на прес-конференцијата во Владата.
Таа информира дека е завршен и инспекцискиот надзор во Домот за згрижување на возрасни лица „Су Рајдер“ во Битола.
Донесени се сет на повеќе од 12 мерки што треба да ги спроведе Домот за згрижување на стари лица меѓу кои изолација на луѓето кои биле во контакт со заболениот, дезинфекција на просторот и немешање на персоналот кој работел на тој оддел со останатите оддели.
Сотирова информира дека заболеното лице е примено во Домот на 18 март, а претходно на 11 и 12 март имал контакт со внука која допатувала од ризична земја. Симптомите кај лицето се појавиле на 2 април, по што веднаш е тестиран и на 4 април е добиен позитивен резултат. Лицето е хоспитализирано на Инфективното одделение во Битола и според последните информации е во добра здравствена состојба.
Ново на Сител
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно
-
Тошковски: Сериозно сум загрижен за изборниот процес
-
Се заокружуваат предизборните коалиции
-
Азески: Економијата да биде приоритет, а политичарите да ги исполнат ветувањата
-
Приватните специјализанти на протест – нема корекција на плати пред избори, им вратија надлежните