„Ситигруп“: Грција ќе излезе од програмата за спас следното лето

Американската банка „Ситигруп“ смета дека се зголемуваат шансите на Грција да излезе од програмата за спас следното лето. поради „многу силниот дух на соработка меѓу нејзината Влада и институциите оваа година“.

Банката оценува оти разликата меѓу реакцијата на кредиторите минатата година, кога Владата во Атина додели социјална помош за Божик од буџетскиот суфицит и оваа од  2017 година е впечатлива.

„Ситигруп“ потсетува дека во 2016 година одлуката на Кабинетот на Ципрас ги изненадила кредитерите и предизвикала забавување на преговорите.

Во врска со поднесениот буџет за наредната година, „Ситигруп“ истакнува дека високата цел што е поставена во него за поголем примарен буџетски суфицит, како и надминувањето на целите за 2017 година ќе дадат поттик на преговорите за олеснување на грчкиот долг.