Штипските студенти од УГД ќе можат да студираат во Европската Алијанса на Универзитети

Европската Алијанса на универзитетите, во која членува и штипскиот универзитет „Гоце Делчев“ официјално стартува со работа. На универзитетите во Португалија, Германија, Австрија, Романија, Шпанија, Литванија и Летонија се отвораат првите програми за апликација на македонските студенти. Со тоа ќе се изедначи квалитетот на образованието во сите девет универзитети, а студентите ќе добијат и европски призната диплома.

- Оваа Европска Алијанса, во која влеговме заедно со уште осум Универзитети, ни овозможува да воспоставиме и креираме заеднички дипломи, заеднички студиски програми, интензивни курсеви, летни и зимски школи, едноставно да направиме натпревари каде студентите ќе може да се докажат и соработуват со наставнички кадар и со кој ќе можат да се доусовршуваат и доквалификуваат и едноставно да посетат други земји во рамки на Алијансата, изјави Ана Никодиновска, проректор за меѓународна соработка, УГД- Штип

Вакви можности за предвидени за 9000 студенти и професори од сите универзитети.

- Иако имаме визна либерализација, тоа ЕУ го пружи особено за академскиот кадар, сепак, потребно е да овозможи поголема соработка на научното поле. Не само да речеме на мобилности и студенти, буквално одвојување на дел од финансиите од средствата за подигање на иновацискиот дел за науката и истражувањето. Нормално ако се одвои поголем дел ќе бидеме поконкурентни на пазарот, додаде Никодиновска

Универзитетската Алијанса е поддржана од Европската Комисија и за првите четири години се обезбедени околу 14 милиони евра.