Штекли излегува од болница

Раде Трајковски Штекли кој беше застрелан минатиот вторник во трговскиот центар Ист Гејт по една недела помината на Универзитетскиот медицински центар за торакална и васкуларна хирургија денеска ќе биде пуштен на домашно лекување.

Трајковски по извршената операција е во стабилна состојба иако му е отстранет дел од белите дробови, соопштија оттаму. Додека пак лицето кое било со него има повреди во стомакот и градната шуплина.

Ова е втор обид за убиство на Раде Трајковски Штекли во последните шест месеци и тоа двата обида се случија во Ист Гејт каде тој секојдневно одел на вежбање. Тој се поврзуваше и со истрагата за убиството на младиот фудбалер Мартин Јанушев. Истрагата за обидот за убиство на полицијата се уште трае.