Шилегов ги повлече предлозите за промена на цената на водата во Скопје
Градоначалникот Петре Шилегов, на денешната петта седница на Советот на Град Скопје, од дневниот ред ги повлече предлог-одлуките со кои беше предвидена промена на цената на водата во Скопје.
- По извршената длабинска анализа за финансиската состојба и работењето на ЈП „Водовод и канализација“, имајќи предвид дека се политикантски мотивите на Регулаторната комисија, имајќи предвид дека Регулаторната комисија не ја заснова својата одлука на фактите и реалните потреби на граѓаните, предлагам точките 25, 26 и 27 да се симнат од дневниот ред. Додека сум јас градоначалник на Скопје, граѓаните на Скопје нема потреба да плаќаат поскапа вода поради политикантски одлуки на партизирани органи од минатото, рече градоначалникот Шилегов.
Посочи дека водата ќе остане со истата цена, а градот со домаќинско работење ќе ги сервисира сите потреби на јавното претпријатие.
Како што информира Градот, станува збор за три точки, поточно Предлог-Одлуката за давање согласност на Одлуката за утврдување тарифа за снабдување со вода за пиење или водоснабдување на ЈП „Водовод и канализација“-Скопје за регулиран период 2018-2020 година; Предлог-Одлуката за давање согласност на Одлуката за утврдување тарифа за собирање и одведување урбани отпадни води на ЈП „Водовод и канализација“-Скопје за регулиран период 2018-2020 година; како и Предлог-Одлуката за давање согласност на Одлуката за утврдување тарифа за прочистување отпадни води на ЈП „Водовод и канализација“-Скопје за регулиран период 2018-2020 година.
Ново на Сител
-
Терористички напад во Тел Авив, шестмина мртви | ВИДЕО
-
Иран лансираше ракети кон Израел | ВИДЕО
-
Контрола во правно лице во Скопје, затекнати седум турски државјани кои незаконски работеле во државата
-
Почина жена на Клиника во Скопје
-
Скопјанец со автомобил намерно удрил во тинејџер при што го повредил
-
Пронајдена дрога кај осуденик во штипскиот затвор
-
Роднини од Врапчиште туркале судија и не му дозволиле да изврши увид
-
Ѝ се заканил на судијка дека ќе ја убие, ОЈО поведе постапка