Шест лица во Косово осудени на 25 години затвор поради планирање терористички напади
Основниот суд во Приштина осуди шест лица на вкупно 25 години затвор поради планирање терористички напади врз припадници на мисијата на КФОР, објекти на Српската православна црква, како и дискотеки во Косово, јавија косовски медиуми.
Порталот Кошев денеска пренесе дека Бујар Бехрами е осуден на десет години затвор, Грамос Шабани на седум и Ресим Кастрати на четири години. На Леутрими Муслиу му е одредена затворска казна од 27 месеци, на Алберт Адемај 18 месеци, додека Едона Хаљити е осудена на една година затвор.
Судот како дополнителна казна нареди и конфискација на 9.000 евра и огнено оружје.
Во обвинението на Специјалното обвинителство се наведува дека обвинетите планирале да формираат организација што ќе подготвува терористички и самоубиствени напади во Косово, Албанија и Македонија.
Цели на планирани напади биле дискотеките „Камбоџа“ и „Инсомнија“ во Грачаница, како и православната црква во близина на кафулето „Москва“ во Северна Митровица.
Ново на Сител
-
Жената врз која падна дрво во Скопје не е во животозагрозувачка состојба
-
Пожарникари со пет противпожарни возила гаснат опожарени отпад и сува трева кај Кванташки пазар
-
ЦУК информира за штетите предизвикани од невремето кое го зафати попладнево Скопје – паднати дрвја, оштетени возила и кровови, откачени кабли од бандери
-
Владата одлучи - ќе се враќа оградата околу владината зграда
-
Владата именува нови директори на неколку државни институции
-
Оливер Миланов именуван за директор на Агенција за Храна и Ветеринарство
-
Дрво падна врз жена во Скопје | ВИДЕО
-
Полицаец го напуштил работното место па пукал во воздух