Сензорна соба за лица со попреченост во ООУ „Вера Циривири-Трена“ и стипендии за талентирани ученици спортисти во ООУ „Владо Тасевски“

Нова сензорна соба за ученици со попреченост ќе биде отворена денеска во ООУ „Вера Циривири-Трена“ во населбата Карпош 2, информираат од општината.

На отворањето ќе присуствува градоначалникот на Општина Карпош, Стефан Богоев. Подоцна тој ќе присуствува на доделувањето стипендии на талентирани ученици спортисти во екоучилницата во ООУ „Владо Тасевски“ во Козле.

Пред присутните, како што е најавено, ќе се обратат градоначалникот Богоев и наставник по физичко образование.

Овие активности се во пресрет на одбележувањето на Денот на Општина Карпош, информираат од локалната самоуправа.