Се очекува во Појасот Газа да влезат два камиона со вкупно 107 тони дизел
Се очекува денеска во Појасот Газа да влезат два камиона со вкупно 107 тони дизел, по месеци строго ограничен пристап до хуманитарна помош и стока до палестинската енклава, објави египетската телевизиска станица Ал-Кахера њуз.
Министерството за здравство на Газа предупреди дека недостатокот на гориво сериозно ја попречува работата на болниците и дека лекарите се принудени да дадат приоритет на некои видови медицинска нега пред други поради недостаток на ресурси. Немаше непосредна потврда дали камионите веќе ја преминале границата.
Здравствените власти во Газа соопштија дека десетици луѓе починале од неухранетост во последните недели. Вчера беа пријавени седум смртни случаи поврзани со неухранетост.
Израел го обвинува палестинското исламистичко движење Хамас за хуманитарната криза во Газа и вели дека работи на подобрување на пристапот до помош со привремено запирање на непријателствата во одредени области, обезбедување воздушен транспорт и поставување заштитени патишта за конвои со помош.
Според агенциите на ОН, воздушниот транспорт не е доволен и Израел мора веднаш да дозволи значително поголеми количини помош по копно.
Израелската војска, која координира хуманитарна помош, соопшти дека 35 камиони влегле во Газа од јуни, речиси сите минатиот месец.
Повеќе од 700 камиони со гориво ја преминаа границата во јануари и февруари за време на привременото примирје пред Израел да ја продолжи својата целосна воена офанзива во март.
МИА
Ново на Сител
-
Тужбата на Шеху против ДИК во понеделник пред Управен суд
-
Тема на денот со Сашо Клековски - Директор на ФЗО
-
Преглед на вестите од светот
-
ДИК го усвои упатството за помал број на советнички места во дел од општините
-
Левица најави кандидат за Скопје - Партиите со заострена реторика за локалните избори
-
Николоски тврди: ЕУ ги пролонгира новите правила за влез и излез за македонските граѓани
-
Само 4ИГ достави понуда на тендерот за 3 мобилен оператор
-
Три концесии за експлоатација на минерални суровини еднострано раскинати