Се гради најголемиот кружен тек во Штип
Во Штип денеска почна изградбата на најголемиот кружен тек, кој ќе ја заменици познатата крстосница Дујле, а која централниот дел на градот и големите населби Сењак, Дузлак, Автокоманда и Баби ги поврзува со индустрискиот дел на градот.
Општина Штип за изградба на новиот кружен тек, со вкупна површина од 6.000 метри квадратни, издвои три милиони денари.
- Овде ќе се реконструира асфалтот, крстосницата ќе се пренамени во кружен тек. Крстосницата не е целосно блокирана за сообраќај. Рокот на изведба е најдоцна до 10 септември. Градежните екипи ќе работат интензивно во две смени, вели Александар Југов, раководител на ЛЕР ИТ при Општина Штип.
Југов истакна дека овој кружен тек се гради со цел за поголема безбедност на учесниците во сообраќајот. - И самите знаеме дека на ова место веќе неколку години се повторуваат сообраќајни несреќи во кои за жал изгубивме неколку човечки животи, вели Југов.
Општината пред да ја почне изградбата има направено анализа со сообраќајната полиција при што мерена е и фреквенцијата на возилата и направено е вештачење. Сообраќајните знаци кои веќе се тргаат од оваа крстосница ќе бидат искористени за две сообраќајници во центарот и во населбата Сењак.
Ново на Сител
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет