СДСМ: ВМРО-ДПМНЕ уште долго ќе бидат опозиција поради деструктивноста и одбраната на насилници и криминалот
Аудио снимката со скандалозна содржина, каде се слушаат два гласа за кои се тврди дека се дел од осудените за 27 април, од кои еден од нив упатува морбидни закани за ликвидација на претседателот на СДСМ и премиер, Зоран Заев, како и на луѓето кои го поддржуваат, предизвика згрозување на јавноста.
Објавувањето на снимката доаѓа само неколку дена по одржувањето на протестите поддржани од ВМРО-ДПМНЕ, каде се бараше ослободување на осудените за 27 април.
Христијан Мицкоски осудените за Крвавиот четврток ги нарече уставобранители на протестот со истата подбуцнувачка реторика која поттикнува омраза и поделби како оној на 27 април во 2017 година.
ВМРО-ДПМНЕ и Мицкоски цврсто стојат зад вакви насилници и бараат слобода за овие луѓе, осудени насилници кои се закануваат дека ќе го повторат насилството, кои се закануваат со убиства.
Мицкоски ги нарекува уставобранители лицата кои посегнаа по животите на пратеници, новинари, луѓе од собраниските служби, кои претепаа пратеник кој заврши и во кома.
Насилници никогаш не биле, ниту ќе бидат уставобранители.
ВМРО-ДПМНЕ за сите овие години раководена од Мицкоски се докажа како партија која стои на страната на криминалот, брани насилници, пласира лажни вести и опструира значајни процеси.
Мицкоски и ВМРО-ДПМНЕ нудат токму ваква алтернатива на граѓаните.
Јасна е разликата меѓу СДСМ која посветено работи на демократизација на општеството, на интеграција и економски раст и развој и ВМРО-ДПМНЕ која цврсто стои на браникот на криминалот и работи спротивно на интересите на граѓаните и државата.
СДСМ исполнува стратешки цели како членството на НАТО и забрзана интеграција во ЕУ, а ВМРО-ДПМНЕ се обидува да ја врати државата во меѓународна изолација и внатрешни поделби.
Граѓаните ја препознаваат разликата и затоа ВМРО-ДПМНЕ и Мицкоски шест пати се казнувани од народот и ќе бидат казнувани и понатаму, затоа што деструктивноста е единственото нешто што го нудат на народот.
Популарно од Македонија
Ново на Сител
-
ЕУ планира да замрзне дел од средствата за Украина додека не завршат реформите
-
Муцунски: Генерален конзулат во Корча - затоа што грижата за Македонците во Албанија се мери со дела
-
Од 1 септември нови мерки најавува Вучиќ „за луѓето, особено за средната класа и посиромашни“
-
Донесен законот со кој учениците од верските училишта ќе можат да полагаат државна матура и да се запишуваат на универзитетите
-
Шест полицајци повредени во Нови Пазар во судир меѓу граѓани и полиција пред зградата на Државниот универзитет
-
ОН: Во Газа влегува само половина од потребната помош, стотици илјади луѓе гладуваат
-
УЈП: Загрижувачка состојба во исполнување на ДДВ обврските
-
Со запален факел од хартија и текстил запалил греди на натстрешница - Истрага за пожар во Струмица
