СДСМ: Потребни итни мерки за намалување на загадувањето

СДСМ денеска обвини дека надлежните институции не се обиделе да најдат начин да го заштитат здравјето на граѓаните и со своите политики придонеле да се зголеми загадувањето на воздухот.  

Претседателот на партиската Комисија за животна средина и просторно планирање Пеце Мирчевски изјави дека се потребни итни мерки за намалување на загадувањето како што се бесплатен јавен превоз за сите граѓани на Скопје и другите поголеми градови и времено запирање на сите градежни активности, особено на територијата на градот Скопје.

- Никој не смее да си игра со здравјето на граѓаните. Граѓаните имаат загарантирано уставно право на чист воздух и Владата мора тоа да им го обезбеди, рече Мирчевски.