СДСМ: Институциите водат неселективна и бескомпромисна борба против корупција
Неоспорлив доказ за силна, неселективна и бескомпромисна борба против организираниот криминал и корупција се последните полициски акции за разбивање на организираната група која незаконски издавала патни исправи, како и заплената на огромна количина на дрога што ги презеде Министерството за внатрешни работи.
Овие две сложени акции каде се уапсени и вработени од МВР се силна потврда за професионалноста и ефикасноста на полицијата во спречување незаконско дејствување.
Од друга страна, ВМРО-ДПМНЕ наместо да го поздрави неселективниот пристап на полицијата, повторно застанаа на страна на криминалот и криминалните структури.
За времетраење на сложената полициска акција „Двојник“ ВМРО-ДПМНЕ и Христијан Мицкоски направија неуспешен обид да ја саботираат акцијата преку пласирање на информации во тек на активна истрага.
По неуспешниот обид за саботажа, од белиот дворец продолжија со нови лаги и манипулативни конструкции за акцијата со што свесно го загрозуваат натамошниот тек на истрагата.
ВМРО-ДПМНЕ и Мицкоски работат по иста разработена шема на лажни вести и неосновани напади кон МВР и полицијата и за акцијата во соработка со нашиот стратешки партнер САД и нивната ДЕА, каде беше запленета огромна количина на марихуана.
ВМРО-ДПМНЕ не може да разбере дека законите во оваа држава важат еднакво за сите, дека денес никој не е над правдата и секој одговара за сторените криминали.
Денес, институциите се посветени на силна, неселективна и бескомпромисна борба против корупцијата и криминалот. ВМРО-ДПНЕ и Мицкоски колку и да се обидуваат, нема да успеат во намерите да одбранат криминалци и криминал. Денес, нема недопирливи, секој одговара за своите дела.
Центар за комуникации со јавноста на СДСМ
Ново на Сител
-
Протест на земјоделците во Брисел со барање за „силен“ буџет за земјоделството
-
Кубилиус: Историските спорови не треба да се решаваат со блокирање на кандидатите за членство во ЕУ
-
Фон дер Лајен: ЕУ ќе им овозможи на кандидатите за членство целосен пристап до средства од инструментот „Глобална Европа“
-
Лишена од слобода лекарка од Битола заради примање поткуп
-
Божиновска за ветерниот парк кај Штип: Силен сигнал за стабилни инвестиции и зелена транзиција
-
Медиуми: Франција и Италија одбиваат да купуваат американско оружје за Украина преку НАТО
-
ОЈО Битола постапува во случајот со примање поткуп во Болницата во Битола, повеќе детали се најавуваат за утре
-
Пожар од прскалка на роденденска забава во Свети Николе