СБ на ОН загрижен поради Нагорно Карабах
Советот за безбедност на ОН соопшти дека е загрижен за судирите што избувнаа околу Нагорно Карабах, кои се закануваат да прераснат во општа војна меѓу Ерменија и Азербејџан и остро ја осудија употребата на сила.
По состанокот зад затворени врати, 15 членки на Советот за безбедност на ОН изразија загриженост во врска со извештаите за големи воени акции долж контактната линија во зоната на конфликтот во Нагорно Карабах.
Во соопштението на Советот за безбедност се наведува дека неговите членови го поддржуваат повикот на генералниот секретар на ОН до завојуваните страни итно да ги запрат борбите, да ги деескалираат тензиите и да се вратат на преговори без одлагање.
Ситуацијата во Нагорно Карабах ескалираше кон крајот на минатата недела, а Баку и Ереван меѓусебно се обвинуваат за започнување на непријателства.
Воведена е воена состојба во Ерменија, беше најавена општа мобилизација, а на мажите на возраст од 18 до 55 години им е забрането да ја напуштаат државата. Во Азербејџан е воведен полициски час.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година