СБ на ОН ќе расправа по тврдењата на Москва дека САД разработуваат биолошко оружје во Украина
Советот за безбедност на ОН ќе се состане денеска на барање на Русија, на расправа по однос тврдењата на Москва дека САД финансираат разработка на биолошко оружје во капацитети во Украина.
„Руската мисија побара состанок на Советот за безбедност на 11 март за да се разговара за воените биолошки активности на САД во Украина“, објави на „твитер“ Дмитриј Полјански, првиот заменик постојан претставник на Русија во ОН.
САД во средата ги негираа повторените руски обвинувања дека Вашингтон има лаборатории за биолошко оружје во Украина, отфрлајќи ги тврдењата како „смешни“ и сугерирајќи дека Москва можеби на тој начин поставува основа за употреба на хемиско или биолошко оружје во конфликтот.
Во вторникот вечерта Русија ги повтори обвинувањата изнесени пред неколку години дека САД финансират разработка на биолошки агенси со украински лаборатории. Таквите наводи се појавија во руските медиуми пред воената интервенција на Москва врз Украина, а во средата ги изнесе портпаролката на Министерството за надворешни работи, Марија Захарова.
Седницата на Советот за безбедност по прашањето треба да се одржи во претпладневните часови по локално време.
Ново на Сител
-
Претседателката на Судски совет, Весна Дамева, си поднесе неотповиклива оставка
-
Запален објект и три автомобили во Куманово,албанската опозиција ја повика меѓународната заедница да реагира
-
Верските лидери со заеднички апел до граѓаните за смиреност и соживот
-
Не само во Челопек министерката Јанева најави вонредни инспекции и во други училишта каде деца носеле симболи на УЧК
-
Струјата нема да поскапи повеќе од 1%, еден час плус дневна евтина тарифа засега ќе нема
-
Словенија бара 5.000 работници од Македонија
-
Постапка за Екс директор
-
Респираторните инфекции ги полнат педијатриските амбуланти и клиниките!
