Сали: Проектот за Клинички центар се дискутира 17 години, првичната идеја е од 2006 - 2007
Министерот за здравство Беким Сали во денешното гостување во Тема на денот во Дневникот на Сител ТВ кажа дека за проектот за нов Клинички центар се дискутира веќе 17 години.
- Проектот за Клинички центар се дискутира 17 години. Првичната идеја е од 2006-2007 година. Јас од пристапот кон оваа функција почнав со продолжување на истата идеја. Меѓутоа во истражување и анализа зошто досега не е реализиран проектот излегува дека се направени неколку тенденции за отпочнување на изградба на тој Клинички центар, неколку физибилити анализи, па локации, па дискусии, па одлуки се донесени, па конкретни проекти и излегува дека политичкиот момент бил клучен за таков еден проект да не се реализира во нашата држава. Морам да напоменам дека овој проект е од животно значење на државата и дека не би требало да се гледа од призма на политички бои. Затоа пристапив кон комуникација со сите поголеми политички партии кои можат да донесат таква една унифицирана одлука без разлика дали локацијата, формата, износот и начинот на финансирање или пак дали ќе биде во постоечка позиција, доградување на зграда или ќе биде на одвоена локација, изјави министерот Сали.
Министерот Сали вели дека се уште трае фазата на дискусија.
- Нема одлука. Јас не можам да прецизирам за мене која локација e најрелевантна за нов Клинички центар, бидејќи тоа е важен проект кој мора да биде решен со мислење на експерти, додава Сали.
Ново на Сител
-
Експерти: Ударната тупаница против организираниот криминал станува дисфункционална
-
Даштевски: Подготвени сме и за парламентарни избори
-
Тема на денот со претседателот на ДИК, Александар Даштевски
-
Русковска: Суспендирани се правото и правдата
-
Бугарската влада одобри 400.000 евра за здруженијата на бугарите во соседството
-
Колони возила на патарината ,,Миладиновци“ - ЈПДП најави реконструкција до крајот на годината
-
УКИМ ги отвори вратите за студентите
-
Вечерва се отвора ИФФК „Браќа манаки“