САД потпишаа нова воена зделка со Катар вредна 1,1 милијарди долари

 САД одобрија зделка за продажба на оружје на Катар вредна 1,1 милијарди долари, во која влегува одржувањето на катарските воени авиони Ф-15.

 

Договорот е одобрен и покрај сериозниот конфликт во кој Катар влезе со државите од регионот како што се Саудиска Арабија, Египет и Обединетите Арапски Емирати, поради наводното приближување на Катар кон Иран.

 

Пред дипломатската криза околу Катар, во јуни годинава, Вашингтон одобри продажба на воени авиони Ф-15 на Катар во зделка вредна 12 милијарди долари.

 

Со новата зделка, САД на Катар ќе му помогнат да ги осовремени своите авиони, како и да изгради утврдени хангари за нивно сместување. Договорот доаѓа по минатонеделната посета на американскиот државен секретар Рекс Тилерсон на Катар.

 

САД го осудија Катар за неговата поддршка на исламистички групи кои дејствуваат во регионот, додека Турција застана во одбрана на катарските власти.

 

Катар останува под економска блокада од страна на Саудиска Арабија, а во тек се дипломатски напори за надминување на кризата.