САД: Допрва претстои силен руски одговор на украинските напади со дронови
САД проценуваат дека рускиот претседател Владимир Путин сè уште не одговорил на украинските напади со дронови врз руски воени бази минатиот викенд, а руските сили веројатно подготвуваат значаен контраудар, изјавија неименувани американски официјални лица за Ројтерс, пренесува Гардијан.
Еден извор наведе дека целосниот руски одговор се очекува во наредните денови и дека тој нема да биде реципрочен. Друг американски официјален претставник изјави дека руската одмазда најверојатно ќе вклучува ракети и дронови.
Во петокот Русија изврши интензивни ракетни и напади со дронови врз Киев, а руското Министерство за одбрана соопшти дека нападите врз воени цели се одговор на „терористичките акти“ на Украина против Русија.
Сепак, американските официјални лица веруваат дека целосниот руски одговор допрва следи. Западен дипломатски извор посочи дека рускиот одговор би можел да вклучува напади врз „симболични украински цели“, како што се владини згради.
Мајкл Кофман, експерт за Русија од Фондацијата „Карнеги“ за меѓународен мир, изјави дека Москва би можела да ја казни Службата за безбедност на Украина за нејзината улога во нападите и да користи балистички ракети со среден дострел за напад врз локации на украинската одбранбена индустрија.
Ново на Сител
-
Го охрабрувам Обвинителството да работи на откривање нови одговорни лица за пожарот во Кочани, порача Мицкоски
-
УНИЦЕФ повикува на поголема вклученост на татковците во активности на учење преку игра
-
При претрес во Штип пронајдена дрога
-
Туфегџиќ: Обвинителството потврди дека нема доказ за инволвираност на таткото на Вања
-
Мицкоски: Исправена е неправдата, доделени национални признанија за врвни достигнувања во спортот
-
Маск: Жалам што некои објави за Трамп отидоа предалеку
-
Министерство за економија: Во првите два дена 1400 пријави до Агенцијата за вработување за мерката самовработување
-
Домовите „Кузман“ и „Стив Наумов“ се очекува да бидат реновирани до крајот на годинава