Руско МНР: Забележано 31 прекршување на примирјето во Сирија

Портпаролката на руското Министерство за надворешни работи, Марија Захарова изјави дека договорот за прекин на огнот во Сирија бил прекршен 31 пат откако стапил во сила кон крајот на минатата недела.

Таа ги отфрли шпекулациите дека примирјето ќе биде прекинато по две недели.

На прашањето за евентуална федерализација на Сирија, Захарова одговори дека сирискиот народ е оној што ќе одлучи каква да биде формата на управувањето во земјата.

Таа го повтори ставот дека Курдите треба да учествуваат во идните мировни преговори за Сирија.