Ристовски: Старите учебници ќе бидат заменети во наредните 10 дена
Заменик-минитерот за образование и наука Спиро Ристовски денеска рече дека очекува во наредните десет дена старите учебници да бидат заменети со нови.
Ристовски, кој присуствуваше на првиот акдемски час на Штипскиот универзитет, апелира, училиштата поконкретно да се занимаваат со потребата од замена на учебниците, зашто ресорното Министерство го реализира тоа што ќе го добие како информација од нив.
- Учебниците континуирано се заменуваат, како што беше и најавено од страна на нашето Mинистерство, се врши нивна комплетна дистрибуција, но истовремено треба да бидеме свесни дека станува збор за огромна количина учебници низ сите училишта во Република Македонија. Очекувам во наредните десетина дена да се заврши со процесот на замена зашто во текот на овој месец најголем дел е извршена замена на сите пријавени учебници од страна на училиштата, истакна Ристовски.
Одговорајќи на новинарско прашање дали ќе има зголемување на платата на наставниците, Ристовски нагласи дека корекцијата што се однесува на платите за сите службеници, ќе важи и за наставниците.
Во врска со реформите и екстерното тестирање, заменик-министерот напомена дека Министерството е отворено за предлози и дијалог со сите чинители во образованието за да се подобри квалитетот на образованието.
Ново на Сител
-
Убиство како на филм во Батинци: Напаѓачите избегале со маски, дигнат е хеликоптер
-
Филипче нов лидер на СДСМ покрај бројни сомнежи за изборни злоупотреби
-
Мицкоски: Преспа е завршена работа - со Бугарија пак ќе преговараме
-
Муртезани: Уставните измени ќе се случат, алтернатива нема да има
-
МНР го повика на консултации амбасадорот во Албанија
-
Ќе се спојуваат разузнавачките агенции, утре на владина седница нови именувања во третиот ешалон
-
Распишан тендер за нова компресорска станица – хируршките сали на Клинички нормално ќе профункционираат во декември
-
Фејсбук измама со криптовалути, злоупотребено името на премиерот