Резолуција против сексуалното злоставување од страна на мировниците на ОН

Советот за безбедност на Обединетите нации ја усвои Резолуцијата, кој првпат се занимава со зголеменото сексуално злоставување, кое го вршат припадниците на мировните сили на ОН.

Резолуцијата, чиј нацрт го подготви САД, усвоена е со 14 гласови, додека Египет беше воздржан.

ОН веќе со месеци се во фокусот на вниманието поради обвиненијата дека нивни мировници сексуално злоставувале деца и силувале жени во некои од најранливите региони во светот, каде се одвиваат судири.

ОН наведуваат дека во 2015 година имало 69 такви обвиненија, а од почетокот на годината 25.