Распределба на противпожарна опрема

Дирекцијата за заштита и спасување денеска ќе расподели противпожарна опрема на Територијалните противпожарни единици во дел од општините на Република Македонија. 

Како што соопштија од Дирекцијата, ќе се распределуваат теренски моторни возила марка Volkswagen: модел Amarok  2.0TDI опремени со пумпи со висок притисок  марка FIRECO HP, резервоари за вода од 320 литри и соодветна опрема за гасење на пожари на отворен простор и хидраулични уреди за спасување во сообраќајни несреќи марка HOLMATRO: со хидрауличен секач во U форма, хидрауличен раздвојувач и хидрауличен телескопски растегнувач – рам.

Со оваа опрема, сметаат од Дирекцијата, Територијалните противпожарни единици ја зголемуваат својата поготвеност за справувње со пожари на отворен простор и ефикасност при интервенци во сообраќајни несреќи. 

Примопредавањето на опремата ќе се изврши во кругот на касарната Гоце Делчев, каде се наоѓаат просториите на Дирекцијата за заштита и спасување.