-->
-->
Ракометарите утре ги продолжуваат подготовките
-->
Ракометната репрезентација на Македонија утре попладне треба да ги продолжи подготовките за претстојното Европско првенство во Полска, кое почнува на 15.јануари. Нашата селекција последните три дена (28-30.декември) тренираше комплетна под надзор на селекторот Ивица Обрван. За репрезентативците сега ќе треба да следува и делот од подготовките каде покрај тренинзи ќе бидат одиграни и четири натпревари.
Во Скопје, Македонија ќе одржи уште два тренинга и потоа следуваат контролните натпревари со Словенија на гости. На 4.јануари Македонија во Кршко ќе игра против Словенија (почеток 18 часот), а следниот ден двете селекции ќе одиграат нов натпревар во Цеље (почеток 18.30 часот).
За очекување е селекторот Обрван во пресрет на дуелите со Словенија да направи и кратење на листата на играчи бидејќи сега на тренинг се наоѓаат 23 играчи, а во Полска ќе патуваат 16.
По враќањето од Словенија на 6.јануари играчите ќе имаат уште два слободни дена, а новиот собир ќе биде на 8.јануари и потоа ќе следуваат и последните два контролни дуела со Црна Гора во Скопје на 10 и на 11.јануари.
-->
-->
-->
Ново на Сител
-
Пронајдена граната во близина на камп во Гевгелија
-
Приведен тинејџер, полицијата кај него пронашла дрога
-
Поевтинуваат дизелот и Еуросупер БС 98
-
Судскиот совет го одложи утврдувањето на кандидатски листи за избор на двајца членови на Советот
-
Од среда променливо облачно и посвежо со повремен дожд
-
Вработените во Фондот за здравство утре ќе протестираат
-
Србинка барана по Интерпол уапсена на аеродромот во Скопје
-
Утревечер седница на Советот за безбедност на ОН за Босна и Херцеговина по барање на Русија