Работилница „Ризично базирана супервизија“ во Охрид

Агенцијата за супервизија на осигурување, во соработка со Светска Банка и Европското тело за осигурување и пензиски фондови (ЕИОПА), денеска и утре во Охрид организираат работилница на тема „Ризично базирана супервизија“.

Цел на работилницата е учесниците да се запознаат со начинот на спроведување ризично базирана супервизија, што е задолжително барање согласно новата Директива за Солвентност 2 за осигурување, која од 1 ноември годинава почна да се применува од страна на земјите членки на Европската унија.

Имајќи ги предвид стратешките цели на Република Македонија за пристап во Европската унија и потребата од усогласување на домашното законодавство со законодавството на Унијата, оваа работилница значително ќе придонесе во понатамошните активности во насока на хармонизација на домашното законодавство, велат организаторите.

За првпат ваков вид на настан во организација на Светска Банка и Европското тело за осигурување и Пензиски фондови (ЕИОПА) е организиран во соработка со регулаторен орган од земја која не е членка на Европска унија.

На работилницата најавено е Учество на претставници од супервизорски регулаторни тела од земји членки на Европска унија, како и од европски земји кои не се членки на Европската унија.