Путин: Ќе соработуваме со новиот премиер на Велика Британија, кој и да е тој
Русија има намера да соработува со новиот премиер на Велика Британија, кој и да биде тој, изјави рускиот претседател Владимир Путин, но додаде дека новиот британски премиер треба да биде подготвен за соработка.
-Ние ќе се однесуваме кон тоа (резултатите на изборите за нов британски премиер) со почит и ние ќе соработуваме со сите оние кои сакаат да работат со нас, изјави Путин.
Тој додаде дека Москва се надева оти Лондон ќе ги слушне желбите на своите граѓани за соработка со Русија.
Рускиот претседател одби да се изјасни за кандидатите за британски премиер.
-Кандидатот, кој ќе го избере партијата, ќе биде премиер. Ние ќе соработуваме со секој, рече Путин.
Тој додаде дека е збунет од изборниот систем за премиер на Велика Британија.
-Делува дека постојано го вперуваат прстот кон нас поради демократските процеси во Русија, изборниот закон и друго, но ајде да го погледнеме методот за доведување на највисоко позиционираната личност во земјата, вели Путин и истакна дека во Велика Британија премиерот не го носат на власт преку избори, туку на партиски собир.
Тоа, како што рече, за него е чудно.
-Но, тоа е британскиот систем, констатира Путин.
Британската Конзервативна партија избра нов лидер по оставката на Тереза Меј, а фаворити во трката се Борис Џонсон и Џереми Хант.
Тие ќе се борат за функцијата британски премиер и лидер на Конзервативната партија
Ново на Сител
-
Русија распиша потерница и за командантот на копнените сили на Украина, Пављук
-
Шолц го осуди нападот врз европратеник од германската Социјалдемократска партија
-
Состојба на патиштата
-
Претежно сончево и потопло
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии