Путин има само една желба за пензионерските денови

Рускиот претседател Владимир Путин изминатава недела ја посети српската престолнина по четврти пат во неговата кариера. 66-годишниот лидер обожава да патува, но проблемот е што него го интересираат малку поинакви патувања – без голема придружба, камери, набиен распоред и премногу луѓе.

 

Иако веќе долго време владее со Русија, како премиер и претседател и Путин ги планира своите пензионерки денови, а откри и како сака да ги помине.

 

-Сакам успешно да ја завршам кариерата, одговорил Путин на еден работник за време на посетата на Чељабинск, што бил еден од ретките моменти кога големиот лидер го спуштил гардот пред јавноста и прозборел за личниот живот.

 

- Многу сакам да патувам. Денес сите патувања ми се сведуваат на стигнување на аеродром, отседнување во хотел и пак враќање на аеродром. Би сакал да патувам поинаку. Да одам некаде во природа, да видам уште неколку туристички дестинации, рекол Путин.

 

Со оглед на тоа дека не зборува премногу за својот личен живот, само во уште едно интервју има откриено дека често оди на ловечки викенд во дивина каде негов пријател има куќа. Таму, вели тој, единствено може да се одмори баш како што сака и да ужива во своето хоби.