Прв пат донесена Програма за водостопанство, од државниот буџет одвоени 916.000.000 денари

Владата денеска ја донесе првата Програма за водостопанство. За Програмата годинава во државниот буџет се предвидени 916.000.000 денари.

Како што соопшти владината прес-служба, средствата од Програмата за водостопанство ќе бидат наменети за изградба, реконструкција, набавка и одржување на основните водостопански објекти за наводнување и надзор над изведбата, како и за изготвување елаборати, студии и техничка документација за реконструкција и рехабилитација на инфраструктурата во системите за наводнување.

Средствата ќе бидат наменети и за обврски за почнати и недовршени работи по веќе склучени договори од претходните години за изградба на браните Конско и Речани со придружни објекти, како и за изградба на главен довод од ХС Равен – Речица.