Прв натпревар за Microsoft Office Specialist во Македонија
Ученици од основни и средни училишта, како и студенти на факултети, на возраст од 13 до 22 години, до 15-ти месецов можат да се пријават за учество на првиот Национален натпревар за Microsoft Office Specialist во Македонија.
Натпреварот го организира Certiadria, официјален партнер на Certiport за Македонија и регионот, заедно со компанијата Microsoft Македонија. Учесниците ќе имаат можност да се натпреваруваат покажувајќи вештини и познавања со полагање тест на Microsoft Office апликациите, односно Word, Excel и PowerPoint, од MS Office 2010 или MS Office 2013.
Националниот натпревар во Република Македонија ќе се одржува во Скопје и во уште неколку градови во два круга. Првиот квалификациски круг ќе се одржи во десетина средни училишта, факултети и тренинг центри ширум земјата. Најдобрите од овој круг влегуваат во финалниот натпревар, кој ќе се одржува во Скопје на 28 овој месец и на кој победниците можат да се стекнат со многу вредни награди.
Најдобриот натпреварувач ќе ја претставува Македонија на светскиот натпревар за Microsoft Office Specialist, што оваа година ќе се одржува во Дизниленд, во Орландо САД.
За пријавување за натпреварот се пополнува апликација на веб страната: www.certiadria.com.
Ново на Сител
-
Панче Тошковски од денеска ја извршува функцијата министер за внатрешни работи
-
Штети од невремето на градинарските насади во Пехчевско и околината
-
Фатмир Лимани ја презеде функцијата министер за социјална политика, демографија и млади
-
ДСЗИ иницира формирање комисија за да се утврди дали имало пропусти во лекувањето на новороденчето од Ресен
-
САД, Јапонија и Јужна Кореја со силна осуда на продлабочената воена соработка помеѓу Пјонгјанг и Москва
-
Претрес во Тетово, пронајдена дрога
-
Мицкоски ја презеде премиерската функција
-
Мисајловски: Посветено ќе работам за да бидеме горда на својата Армија