Протести против американскиот амбасадор во Бангкок
Неколку стотици припадници на ројалистичкото движење во Тајланд, предводени од популарниот будистичкиот првенец Исара, од петокот демонстрираат против мешањето на американскиопт амбасадор Глин Дејвис во внатрешните работи на Тајланд.
Амбасадорот Дејвис во изјава за локалните медиуми изрази загриженост поради апсењето цивили осомничени и обвинети за навреди на кралското семејство и монархијата.
Дејвис ја наследи амбасадорката Кристи Кени, која беше повлечена во Вашингтон веднаш по воениот удар во Тајланд во мај минатата година. Процедурата за именување на нов американски амбасадор траеше прилично долго, од април до септември годинава.
Изјавата на амбасадорот Дејвис ја коментираше и актуелниот тајландски премиер, генералот Прајут Кан-ока, кој истакна дека кралското семејство во Тајланд нема легална можност да поднесува тужби за навреди и дека посебниот закон за заштита на угледот на кралот и семејството служи за чување на достоинството на вековното Сијамско кралство.
САД, Австралија и државите од ЕУ ја замрзнаа соработката со Тајланд на политички и воен план по државниот удар.
Пред сегашниот американски, мета на критики беше и амбасадорот на Велика Британија во Бангкок, кој на социјалните мрежи ја критикуваше политиката на сегашната воена управа во Тајланд.
Ново на Сител
-
Поплави во Унгарија, Будимпешта под вода
-
Најмалку 13 цивили загинаа во израелски воздушен напад врз училиште во Газа
-
Специјална акција на грчката полиција во ромска населба во Атина, уапсени 12 лица
-
Следните два дена сончево, во вторник и среда дожд и грмежи
-
Николоски во Будимпешта ги презентираше капиталните инфраструктурни проекти пред министрите за транспорт на земјите од ЕУ
-
Одбележани 80 години од загинувањето на 17 тетовски партизани во мавровското село Беличица и стрелањето на двајца во Тетово
-
Израелски претставник пред Советот за безбедност на ОН: Израел ќе се брани
-
Три лица, меѓу кои и едно дете, загинаа во руски ракетен напад во Криви Рих