Протераните руски дипломати заминуваат од САД
Руските дипломатии кои Вашингтон ги прогласи за непожелни денеска ќе ги напуштат САД и ќе се вратат во Москва, изјави рускиот амбасадор во Вашингтон, Анатолиј Антонов.
- Сите дипломати кои САД ги прогласија за „персона нон грата“ денеска ќе заминат од САД заедно со своите семејства, истакна Антонов.
Тој додаде дека од САД ќе заминат вкупно 171 човек, а руската Влада обезбедила два авиона за евакуација.
- Еден од авионите ќе се задржи во САД најмногу два до три часа и со 14 семејства ќе лета директно за Москва, наведе Антонов.
САД објавија дека протеруваат 60 руски дипломати - 46 од Амбасадата во Вашингтон, двајца од Генералниот конзулат во Њујорк и 12 од Руската мисија во седиштето на Обединети нации. Исто така затворен е и Рускиот генерален конзулат во Сиетл. Одлуката е објавена на 26 март, во знак на солидарност со британските тврдења дека Русија е виновна за труењето на Сергеј Скрипал и неговата ќерка Јулија, што се случи на 4 март во Солзбери.
Русија возврати со протерување на 60 американски дипломати и затворање на Генералниот конзулат на САД во Санкт Петербург.
Ново на Сител
-
Двајца пожарникари полесно повредени гаснејќи го пожарот над Битола
-
ЦУК: Разгорен пожарот во реонот Селце - Драгоево, пожарникарите повлечени зашто се слуша пукање на муниција
-
МЗ: Отворен телефонски број за директна комуникација со министерот
-
Тошковски: Пристигнуваат „ер трактори“ и хеликоптери од Турција, Словенија, Србија и Црна Гора
-
Хоспитализирани уште осум лица со голема кашлица, вкупно 905 заболени
-
Поставен камен темелник за изградба на спортска сала во Лескоец
-
Помалку часови наплата на зонско паркирање во Тетово
-
Превентивно-едукативна кампања за заштита од топлотен удар на „Ќафасан“