Промовирана збирка афоризми „Балканска трансверзала“

Во Домот на културата „Тошо Арсов“ во Виница денеска беше промовирана збирката афоризми „Балканска трансверзала“ во која се застапени врвните балкански мајстори на афоризмот Драгутин Миниќ Карло, Васил Толевски, Александар Чотриќ, Миле Ѓорѓијоски и Бојан Љубеновиќ.

- Ова е втора книга во едицијата „Балканска сатира“ на Интернационалниот фестивал за хумор и сатира „Ин Виница веритас“ чиј издавач е Домот на културата „Тошо Арсов“ од Виница. Во оваа книга која предизвика голем интерес помеѓу љубителите на сатирата на Балканот и пошироко направен е избор од преку илјада афоризми од творештвото на авторите застапени во неа, истакна Миле Ѓоргиоски, карикатурист и уредник на изданието.

„Балканска трансверзала“ е двојазично, македонско-српско издание, а се планираат и наредни изданија во кои покрај македонски ќе има и сатиричари од други држави.

Рецензент на книгата е српскиот антологичар и писател Витомир Теофиловиќ, а илустрациите се на познатиот македонски акрикатурист Миро Геогриевски. Збирката афоризми „Балканска трансферзала“ идниот месец ќе биде промовирана и во Србија.