Промовиран романот „Рогот на љубовта“ од Божин Павловски
Романот „Рогот на љубовта“ од авторот Божин Павловски беше промовиран денеска во библиотеката „Тане Георгиевски“ во Куманово.
Павловски изјави дека станува збор за автобиографски роман, кој се случува во средината на минатиот век. Посочи дека романот го опишува ентузијазмот на младите луѓе кои тогаш пројавиле интерес за сопствено издигнување, во периодот кога започнува заминувањето во туѓина.
- Меѓу осумнаесетте романи кои што сум ги создал, овој веројатно е роман што најмногу го сакам бидејќи го откинав од своето рано детство и го работев долго. И англиското издание според тамошната критика кажува дека сум направил добро дело, рече Павловски.
Промоторот Блаже Миневски истакна дека романот „Рогот на љубовта„ е 17. дело на Божин Павловски кое не влегува во циклусот на дела кои ја третираат дијаспората, туку нашето поблиско и подалечно минато.
- Станува збор за приказна за оттуѓување на луѓето од репресија на власта во 50-тите години од минатиот век, рече Миневски. Додаде дека писателот Павловски е еден од нашите живи класици, кој 50 години е посветен исклучиво на пишување романи.
Романот е добитник на наградата на Друштвото на писателите на Македонија „Стале Попов“.
Промоцијата на книгата во кумановската библиотека се реализира во рамки на одбележувањето на „Месецот на книгата“ и е во рамки на одбележувањето на 70 годишниот јубилеј на установата.
Ново на Сител
-
Претседателката Сиљановска Давкова во Рим оствари средба со претставници на македонската дијаспора
-
Столтенберг ги повика сојузниците во НАТО да ги укинат ограничувањата за употреба на западно оружје од Украина против цели во Русија
-
Приведен криминалец баран со потерница
-
77 санкции за пребрзо возење, 27 за непрописно престигнување на територија на СВР Тетово
-
Над 12 илјади граѓани заминале на продолжен викенд надвор од Македонија
-
За три месеци протерани 483 македонски граѓани од Германија
-
Вучиќ: Ме погоди гласањето на Северна Македонија за резолуцијата
-
Земји на НАТО што граничат со Русија ќе подигнат „ѕид од дронови“