Притвор за над 60 демонстранти од саботните протести во Москва

Руските судски власти наложија притвор за 61 демонстрант и изрекоа парични казни за повеќе од 160 лица по големите демонстрации на опозицијата во Москва изминатиот викенд, соопштија денеска руските државни медиуми.

Речиси една третина од околу 3.500 лица кои присуствуваа на митингот за кој немаше дозвола, а се одржа пред канцеларијата на градоначалникот во саботата, се приведени, покажуваат официјалните статистички податоци.

Претставник на независната група за набудување ОВД-Инфо во изјава за германската агенција ДПА посочи дека станува збор за најголем број задржани лица при протест во изминатата деценија.

Организаторите на саботните протести, кога беа приведени 1.373 лица најавија дека на 3 август повторно со своите приврзаници ќе излезат на улиците со цел да извршат притисок врз властите да дозволат исклучените независни кандидати да учествуваат на изборите за Собранието на град Москва, закажани за 8 септември. Од учество на изборите досега за елиминирани 39 независнисни кандидати пораки прекршување на процедурата. Централната изборна комисија на Русија соопшти дека ќе преконтролира од која причина се симнати од листата независните кандидати, предложени од непарламентарната опозиција. Тоа значи дека ќе се проверува автентичноста на потписите на граѓаните, кои во постапката на предлагање поддржале одредени личности. Обвинителството спроведува истрага за да утврди дали на тие списоци на поддршка се измислени личности или се навистина граѓани на Москва.