Притвор за четири лица осомничени за грабеж на бензинска пумпа во Гостивар
Триесетдневен притвор им одреди судија од Основниот суд во Гостивар на четири лица осомничени за обид за грабеж на бензинска пумпа во Гостивар.
- ОЈО Гостивар донесе Наредба за спроведување на истражна постапка против три лица од Гостивар и едно од Тетово, осомничени за сторено кривично дело Разбојништво од чл.237 ст.4 во врска со ст.1 во врска со чл.19 од Кривичниот законик, се наведува во денешното соопштение од Јавното обвинителство.
Осомничените се товарат дека со употреба на сила и закана дека непосредно ќе нападнат врз животот и телото на друг, се обиделе да ја ограбат бензинската пумпа на „Макпетрол”, лоцирана на ул. „Илинденска” во Гостивар.
Во намерата да ја ограбат бензинската пумпа ги спречиле двајца вработени, од кои едниот заработил удари со пендрек во главата од осомничените.
ОЈО Гостивар против осомничените поднел предлог за определување на мерка притвор. Судија на претходна постапка од Основниот суд во Гостивар го уважил предлогот и на сите четворица осомничени им одреди мерка притвор во траење од по 30 дена, сметано од денот на нивното лишување од слобода.
Ново на Сител
-
Кумановка измамена за 6.000 денари за набавка на огревни дрва
-
Во центарот на Куманово откриен мурал со ликот на Бобан Трајковски кој беше убиен пред 23 години кај Вејце
-
Приложил патна исправа на негов другар, Албанец уапсен на Табановце
-
Краделе велосипеди во Аеродром, приведени двајца крадци од Србија
-
Бајден за Трамп: Се натпреварувам против „шестгодишно дете“
-
Избоден млад кавадарчанец
-
Оштетиле повеќе предмети и украле пари, уапсени двајца кавадарчани
-
СПМ: Срамни се обидите на СДСМ да ги убедат граѓаните дека грешеле во првиот круг