42-годишен кавадарчанец ограбил 11 куќи и викендици за пет месеци

Полицијата во Кавадарци поднесе кривична пријава против 42-годишниот О.В. од Кавадарци поради извршени 11 кражби во период од три месеци.

„Имено, во периодот од септември 2024 година до јануари 2025, О.В., најчесто со употреба на сила и подесен алат, од викенд куќи , семејни домови, верски објекти и продажен објект, на подрачје на Кавадарци и Росоман одзел различни предмети. Со извршување на делата тој се стекнал со противправна имотна корист од околу 466.000 денари. На 16.01.2025 О.В. е лишен од слобода, а по издадена наредба од Основен суд Кавадарци, при извршен претрес во домот каде престојувал, биле пронајдени и одземени предмети од извршените кривични дела“, информираат од МВР.