Примера: Само бод за Реал Мадрид на стартот

Само еден бод освои Реал Мадрид во 1.коло од Примера откако на гостувањето кај Хихон одигра нерешено 0:0. Во текот на целиот натпревар избраниците на новиот тренер Рафа Бенитез се обидуваа да постигнат гол, но не најдоа решение за одбраната на Хихон. И домашните имаа неколку шанси но мрежата на Навас остана да мирува.

За разлика од Реал, Барселона победи на тешкото гостување во Билбао кај Атлетик со 1:0 со голот на Луис Суарез и делумно се реваншираше за неуспесите од Супер купот на Шпанија против оваа екипа.

Карактеристика на првото коло во Примера е слабата ефикасност - 8 голови на 9 натпревари.

Резултати од 1.коло:

Хихон - Реал Мадрид 0:0,

Атлетик Билбао - Барселона 0:1,

Бетис - Виљареал 1:1,

Леванте - Селта 1:2,

Рајо Ваљекано - Валенсија 0:0,

Атлетико М. - Лас Палмас 1:0,

Еспањол - Хетафе 1:0,

Депортиво - Реал Сосиедад 0:0,

Малага - Севиља 0:0.

Вечерва се игра последниот дуел Гранада - Еибар.