Превентивна теристичка дезинсекција и дератизација во општина Новаци
ЈЗУ Центар за јавно здравје-Битола почна системската дезинсекција за уништување на комарците и другите штетни инсекти на подрачјето на општина Новаци, како општа превентивна противепидемиска мерка за спречување на појава на заразни болести.
Акцијата се одвива согласно Законот за заштита на населението од заразни болести и препораките на Министерството за здравство, а врз основа на одлуката на Советот на општина Новаци на територијата на општината да се спроведе превентивна системска дезинсекција и дератизација како против епидемиска мерка, истакна градоначалникот на општина Новаци, Лазар Котевски.
- Дезинсекцијата се врши со три третмани во овие три месеци и во интервали помеѓу третирањата од 26-30 дена. Со овие превентивни мерки ќе бидат опфатени зелените површини во општината, подрачјата по течението на река Црна, подрачјата околу каналскиот систем, локалитетите со застојани водени површини, урбани населби и локалитети предвидени спроред планот и програмата. Заради избегнување на сите несакани последици, посебно ги информиравме здруженијата на пчелари кои ги има во нашата општина, посочи Котевски.
Во општина Новаци во тек е и првата фаза од пролетната систематска дератизација со која се опфатени подземниот канализациски систем во село Новаци, дератизација на јавната депонија „Мегленци“ и на други локации во општината.
Ново на Сител
-
Муртезани во Брисел го претстави планот со кој ќе ја враќаат довербата во правосудството
-
Тема на денот со Стојанче Ангелов, претседател на „Достоинство“
-
Преглед на вестите од светот
-
Од денеска замрзнати маржи - Има ли промена на цените во маркетите?
-
Законот за бранители на СДСМ ја ниша коалицијата на ВМРО-ДПМНЕ и ВРЕДИ
-
Муртезани во Брисел го претстави планот со кој ќе ја враќаат довербата во правосудството
-
Поднесена декларација во бугарското Собрание, се бара ЕУ да ги осуди навредите кон бугарските политичари
-
ДЗР: На неврологија лани најголем дел од прегледите биле за итни случаи или со врски