Прекината 34-тата собраниска седница поради недоволен број присутни пратеници
Собраниската седница денеска почна по два часа од закажаниот термин и набргу беше прекината поради недоволен број присутни пратеници во салата.
Откако заменик-министерот за правда Агим Нухиу го образложи Предлогот поднесен од Владата за изменување и дополнување на Законот за прекршоци, по скратена постапка, кои се однесуваат на прекршоци во животната средина, гласањето беше поништено зашто немаше кворум и претседателот на Собранието Талат Џафери ја прекина 34-та седница.
На почетокот на седницата беше констатирана оставка на Неда Чаловска од функцијата член на Комисијата за спречување и заштита од дискриминација.
На дневен ред на оваа седница се 70-ина точки, меѓу кои Предлог законот за дополнување на Законот за средното образование, по скратена постапка, Информацијата за Нацрт-концепцијата за основно образование, предлог-измени на законите за оружјето, за прекршоците против јавниот ред и мир, за патните исправи, за безбедност на сообраќајот на патиштата, на Законот за здравствената заштита…
Ново на Сител
-
ЦУК: Четири активни пожари, три под контрола
-
Трамп нагласи дека имал „многу добар разговор“ со европските лидери
-
Шефот на НАТО вели дека Европа и Трамп се обединети во напорите за завршување на војната во Украина
-
Пожарите во Албанија не стивнуваат, најкритично во Делвина и Финиќ, опозицијата бара прогласување вонредна состојба
-
Вучиќ најави дека нема да се кандидира на следните избори
-
Венс: Трамп ми рече дека има мисија да го врати мирот во Европа
-
ЦУК: Пожар од поголеми размери избувна кај Октиси, авион на ДЗС на пат кон локацијата
-
Полицаец во Кичево физички нападнал повикано лице во полициска станица