Предновогодишна трка до врвот на Водно

Сите заинтересирани планинари и велосипедисти утре ќе можат да се придружат на последното искачување на Водно за годинава. Турата ја организира Здружението за спорт и рекреација „Прв до врв“ од Скопје. 

Стартот за сите учесници е закажан во 9 часот пред училиштето „Кочо Рацин“. На целта на врвот на Водно во планинарскиот дом, за групата ќе биде послужено посно тавче гравче, кое го обезбеди производителот „МАМА’С“.

Се препорачува сите учесници да понесат облека и опрема соодветна за овој дел од годината за ден поминат во планина.