Пратеникот Тимчо Муцунски кандидат на ВМРО-ДПМНЕ за градоначалник на Аеродром
Пратеникот Тимчо Муцунски кандидат на ВМРО-ДПМНЕ за градоначалник во скопската општина Аеродром на претстојните локални избори.
Кандидатурата на Муцунски, кој е и секретар за меѓународна соработка на партијата, доаѓа како изненадување, со оглед на тоа што досега во јавноста се споменуваа други имиња.
Тој за главен ривал во Аеродром ќе го има Александар Филиповски, дипломиран економист и поранешен пратеник, како кандидат на СДСМ. Левица, пак, најави дека во Аеродром ќе оди со Весна Кираџиева, дипломиран криминалист и атлетски репрезентативец.
32-годишниот Муцунски е доцент по римско право на Правниот факултет „Јустинијан Први“ при УКИМ во Скопје. Со оглед на тоа што потекнува од семејство на кариерен дипломат, основното образование го завршил во САД, а средното во Канада. Важи за политичар со добри меѓународни релации.
Политичките партии имаат рок до 11 септември (сабота) на полноќ за поднесување на листите со кандидати за градоначалници и советници.
Ново на Сител
-
Елена Петрова нов директор на УЈП, Бобан Николовски на Царинската управа
-
Струјата во Турција од 1 јули ќе се зголеми за 38 отсто
-
Приведен крадец баран со потерница
-
ИНСТАТ: Во Албанија живеат 2.281 Македонец, 7957 се попишани како Бугари
-
Ќе се дигитализираат 20 нови услуги во првите 100 дена од работата на Владата
-
Се испуштаат агресивни кучиња во Битола, општината побара помош од МВР и АХВ
-
Викендов сончево и топло, од вторник услови за невреме
-
Македонска влада за Мицотакис: Не е точно дека го прекршуваме договорот Преспа, Брисел да не оценува по реформите