ОН повикуваат на обнова на прекинот на насилството во Алепо

Обединетите нации повикаа вчера на прекин на непријателството во сирискиот град Алепо и околината и апелираа до сите срани да овозможат непречено доставување на хуманитарна помош.

Заменик-портпаролот на ОН, Фарах Хак изјави во Њујорк дека ОН се известени за уривањето на рускиот хеликоптер над сириска територија, која е под контрола на бунтовниците, како и дека леталото доставувало помош.

Хак нагласи дека ОН се мошне загрижени бидејќи меѓу 250 илјади и 275 илјади луѓе и натаму се заробени во Алепо и додаде дека продолжуваат разговорите со Русија и сириските власти за начинот да се обезбеди доставувањето помош за Алепо и другите делови на земјата.

Според него помош од ОН вчера е доставена за 71 илјада луѓе во градот Хула.