Повеќе скопски општини утре без струја

Од 10 до 17 часот утре без електрична енергија ќе бидат корисниците од село Грачани и месноста Чашка во општина Сарај.

Во временскиот период од 8 до 10 часот без струја ќе бидат корисниците од Веле Поле и селата Кучково, Бојане, Радуша, Дворце, Орашје, Кондово, Долно и Горно Свиларе и Копаница, во општините Ѓорче Петров и Сарај. 

Од 9 до 15 часот без струја ќе бидат корисниците од улицата „8“ во село Горно Соње, општина Сопиште и корисниците лоцирани на улицата „Лука Геров“ – подулици 2, 4 и 6 во општина Ѓорче Петров. 

Без електрична енергија од 10 до 11 часот ќе бидат дел од корисниците лоцирани на улицата „Методија Шаторов – Шарло“, општина Аеродром, а од 8:30 до 15 часот дел од корисниците од улиците „Ристо Шишков“, „Наум Наумовски – Борче“, „8-ми Март“, „Јордан Хаџиконстантинов – Џинот“ и „Пајак“ во општина Центар.

Како што информира Регионалниот центар за управување со кризи на Град Скопје, граѓаните ќе останат без струја поради технички зафати во електросистемот.