Повеќе од 100 сообраќајки за еден месец, брзото возење најчеста причина

Во јули во Тетово и тетовско регистрирани се 106 сообраќајни несреќи или 24 повеќе во споредба со истиот период лани.

 

Во нив, едно лице го загубило животот, 6 несреќи завршиле со тешки, 39 со телесни повреди, а во 60 приченета е само материјална штета, која вкупно се проценува на над 3 милиони денари, додека бројот на повредените во јулските несреќи изнесува 200.

 

Најмногу од несреќите, повторно се случиле на тетовските улици (46), а потоа на регионалните патишта кон Пирок и Јажинце и автопатот (16), односно 36 на отворен пат и 70 во населени места.

 

Најчести причини и во периодот за кој станува збор се: неприлагодена брзина, односно пребрзо возење (28 несреќи), неправилно вршење дејствие (20), недавање првенство (9), недржење растојание (8 и така натаму.

 

Најкритични денови во овој период биле среда, четврток и петок со по 20 сообраќајни несреќи, а најризичен период од 16 до 20 часот и посебно од 18 до 20 часот.

 

Најголем број од несреќите биле во движење (65), во 10 несреќи оштетени се  паркирани возила, во 8 учесници биле пешаци, во 10 животни, а имало и 13 излетувања, најчесто како последица од пребрзо возење. Најбројни меѓу животните-предизвикувачи на несреќите биле кучиња-безодмници, кои неконтролирано се движеле по автопатот Тетово-Гостивар и Тетово-Скопје, особено во вечерните часови, пред се како немање на заштитна опрема на повеќе места долж оваа сообраќајница.