Потпишан договор за меѓуопштинска соработка помеѓу Oпштините Берово и Пехчево
Потпишан договор за Меѓуопштинска соработка меѓу Oпштините Берово и Пехчево. Договорот го потпишаа градоначалникот на Пехчево, Драган Тренчовски и градоначалникот на Берово, Звонко Пекевски, кои при средбата, истакнаа дека унапредувањето на општинските услуги на кој било начин, е секогаш со цел, на граѓаните да им се овозможат побрзи, поквалитетни и посуштински услуги.
Од страна на општина Берово, градоначалникот Пекевски најави институционална и техничка поддршка при изработката на заеднички стратешки документи.
– Сметаме дека Договорот е од исклучително значење во насока на зголемување на меѓусебната соработка и унапредување на капацитетите за поквалитетни услуги на граѓаните. Во таа насока Општина Берово планира да овозможи институционална и техничка подршка при донесување и изработка на неколку клучни документи, како и во постапките кои значат легализација на бесправно изградени објекти и бесправно изградени објекти на земјоделско земјиште, како и учество во постапката за издавање
на одобрение за градење во електронска форма за објекти на градежно и земјоделско земјиште, рече Пекевски.
Меѓуопштинскиот договор, како што додаде беровскиот градоначалник, предвидува и соработка во делот на комплетна услуга од градежната и урбанистичката инспекција, комплетна услуга од сообраќаен инспектор, како и комплетна услуга од просветен инспектор.
Освен со Пехчево како дел од програмата „Меѓуопштинска соработка за подобра испорака на услуги и пристап кон ЕУ“, општина Берово има потпишано договор и со општините Делчево и Виница.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња