Порошенко: Господине Путин, ова е војна

Украинскиот претседател Петро Порошенко, коментирајќи го инцидентот во Керчанскиот Теснец за американската телевизија „Фокс њуз“, изјави дека е започната „војна“ со Русија.

Според него, акциите на руските граничари претставуваат агресија.

– Господине Путин, тоа е агресија. Господине Путин, тоа е војна. Не е шега, ниту инцидент, ниту криза, истакна претседателот на Украина.

Меѓутоа, без разлика на ваквите зборови на Порошенко, сепак официјална изјава на Киев се уште нема.

Три украински воени бродови на 25 ноември ја преминаа руската државна граница пловејќи од Црно Море во Керчанскиот Теснец. Тие биле задржани, а сите членови на екипажот се уапсени, меѓу кои се наоѓаат и припадници на украинската безбедносна служба.