Поранешниот албанскот гувернер Фулани прогласен за невин

По две судски рочишта и по два месеца откако за невин го прогласи Осовниот суд во Тирана, истата одлука ја потвди и Апелацискиот суд, за поранешниот гувернер на Централна банка на Албанија, Ардијан Фулани.

Апелација, како што констатира тиранската телевизија Топ-чанел забележала рекорд во процесот, подредувајќи го судскиот процес „Фулани“ како најитен процес во судската историја.

Судското тело во состав Лефтер Јахај, Шкелќим Мустафа и Генти Шаља, само го прочитале диспозитивот, оствајќи ја во сила првостепната одлука, со која се потврдува невиноста на поранешниот гувернер, обвинет за злоупотреба на службената положба, за грабежот во банкарскот трезор и начинот на купување на хотелот „Дајти“ од владата за банката.

Обвинителството во првиот процес, во кој беа осудени петнаесет вработени од банката за Фулани побара пет години затвор.

Фулани беше уапсен на 5 септември минатата година под обвинение за злоупотреба на службената положба. Апсењето следуваше пет недели откако вработен во банката призна дека од трезорот украл 713 милиони леки (6,6 милиони долари) во банкноти повлечени од оптек.

Откако му беше одредена мерка притвор тој по десет дена беше пуштен во домашен притвор.

Фулани уште од самиот почеток ги отфрлаше обвинувањата, а неговиот адвокат обвини дека станува збор за политички мотивиран процес.