ПОЛДАРК

Ова лето проследете ги последните сезони од историската романса која за миг ќе нѐ однесе со мислите во едно дамнешно време. Во време каде честа се бранела поинаку, а борбата за љубов, рамноправност и правда ги рушела сите општествени догми. Британска ТВ серија базирана според бестселерот на Винстон Греам која плени со првокласна костимографија и живописни локации крај британското крајбрежје. Добитничка е на наградата БАФТА за најдобра серија од страна на британската публика, како и награда за најдобар перформанс на Националните телевизиски награди.

Дејството се одвива во доцниот 18-ти век кога Рос Полдарк по долги 3 години војување во американската револуција, се врати во своето родно гратче во Англија. Неговото враќање беше големо изненадување за сите бидејќи сите негови блиски мислеа дека тој е одамна мртов. Рос веруваше дека ќе се врати на стариот живот, но изгледа дека три години е доволно време за работите целосно да се изменат.

Во новите продолженија, Рос и пријателите се впуштаат во нови експедиции во обид да им помогнат на обесправените селани и пријатели, а Џорџ ќе се обидува политички да се воздигне себеси и да ги поттисне чесните намери на нашиот херој Рос Полдарк. Рос и Демелза ќе се обидуваат да го заборават минатото и да го обноват својот брак, но некои нови ликови ќе го загрозат нивното кревко помирување и ќе донесат неочекувани неверства и измами. Нови авантури и борба за правда во новите продолженија на епската приказна за Рос Полдарк. ​