Поднесено обвинение за тешка кражба во Скопје
Јавен обвинител од Основното јавно обвинителство Скопје поднесе обвинение против едно лице за кривично дело – тешка кражба што ја извршил со обивање на автомобил во близина на полициската станица Бит Пазар, при што украл предмети во вредност од 50 илјади денари.
-Обвинетиот 47-годишник, на 28 март, со провалување во патничко моторно возило Ауди на булеварот „Никола Карев“ зад полициската станица „Бит Пазар“ одзел пари, банкарски картички, две службени легитимации од МВР и картичка за влез во МВР, како и други предмети во вкупна вредност од 50.000 денари. Кога ја забележал оштетената како ја остава чантата на задното седиште и го заклучува автомобилот, обвинетиот употребил апарат за блокирање на сигналот и системот за затворање, со што спречил да се заклучи вратата на автомобилот. Кога оштетената се оддалечила тој влегол во автомобилот, ги одзел наведените предмети и избегал, соопштија од Јавното обвинителство.
Јавниот обвинител до Основниот кривичен суд Скопје достави и предлог за определување мерка притвор за обвинетиот.
Ново на Сител
-
ПП-Демократска Бугарија го доби мандатот за формирање влада и веднаш го врати нереализиран
-
Пожар на дел од куќа во Кавадарци
-
Еден отстранет и дисциплинска за петмина полицајци за инцидентот пред тетовската болница
-
Пронајдено двегодишно девојче кое исчезна во Сиднеј
-
Им дал 800 евра а за возврат му ветиле дијаманти, измамен кумановец во Скопје
-
Избоден маж на Бит Пазар поради недоразбирање во сообраќајот
-
Кочанчанец им се заканувал на полицајци преку Фејсбук
-
За дебели пари денес секој е пилот | Стефанија Димеска | ПРОфесија | Sitel Podcast 017