Почина уште еден од повредените патници од автобуската несреќа кај Велес
На Клиниката за анестезија, реанимација и интензивно лекување вчеравечер починал уште еден од повредените патници од автобуската несреќа, што се случи кај велешката патарина на 20-ти минатиот месец, објави порталот Сакам да кажам.
Д-р Илир Хасани, директор на Клиниката за трауматологија, ортопедски болести, анестезија, реанимација, интензивно лекување и ургентен центар (ТАРИЛУЦ), информираше дека 78 годишен пациент вчера околу 18.40 часот подлегнал на повредите.
-Пациентот беше во тешка здравствена состојба, со скршеници на градниот кош, крварење во градниот кош и со сериозни повреди на главата, односно скршеница на вратниот рбет. И покрај обидите да се санираат повредите, тој вчеравечер почина, вели д-р Хасани.
Несреќата се случи на 20. август на автопатот Скопје-Велес кога автобус со македонски туристи кои се враќаа од Грција излета од патот. Повредени беа 28 патници, а уште истиот ден почина една од повредените патнички.
Ново на Сител
-
Ова е напаѓачот кај Скендербег што пукаше со пиштол кон демонстрантите | ФОТО
-
Протестот „Ултиматум – Не благодарам“ продолжува пред Собранието
-
Демонстрантите нападнати кај Скендербег, се слушна и истрел од оружје | ВИДЕО
-
Мицкоски: Со умен рационален пристап „францускиот предлог“ може да се смени
-
Петти ден протест против францускиот предлог
-
Николовски: ВМРО-ДПМНЕ бара бришење на делови од предложената преговарачка рамка
-
Физичка пресметка меѓу повеќе лица по претходна сообраќајна несреќа
-
Маричиќ: Ако добро ги водиме преговорите до крајот на декадава може да станеме членка на ЕУ