Планирани три прскања против комарци во летниот период во Делчево

Во Општина Делчево за летниот период планирани се три теристички прскања против комарци согласно Програмата за заштита и превенција на населението од вектор преносливи болести.

Како што изјави денеска Кире Цоневски, советник за заштита и спасување во Општина Делчево, земјените прскања ќе ги вршат стручни екипи од Центарот за јавно здравје од Скопје, кои деновиве биле избрани преку електронски тендер.

- Планирани се три прскања во рамки на Програмата, а по потреба ќе се организираат и повеќе вакви акции за дезинсекција и заштита на населението. Првото теристичко прскање е планирано за почетокот на јули при што ќе бидат опфатени критичните места на површина од 100 хектари. Планирани се прскања покрај реката Брегалница, по главните реонски улици, но и во руралните средини, рече Цоневски.

Тој додаде дека наредните две прскања ќе се организираат кон крајот на јули и почетокот на август.