Петнаесетмина повредени во земјотресот во југоисточен Иран

Петнаесет лица се повредени во земјотресот со интензитет од 6,2 степени по Рихтеровата скала, што денеска ја погоди југоисточната иранска провинција Керман.

Иранската државна телевизија соопшти дека земјотресот предизвикал значителна материјална штета, при што се урнати ѕидови од куќи.

Силен земјотрес со интензитет од 6,2 степени според Рихтеровата скала е регистриран во југоисточниот дел на Иран, само неколку часа откако земјотрес со магнитуда од шест степени го погоди западниот дел на земјата.

Според американскиот Геофизички институт епицентарот на земјотресот бил на длабочина од 57 километри, во близина на градот Хоџак.